- Millətlər liqası
- 02:11 16.11.2026
UEFA Millətlər Liqasında növbəti turun daha iki oyunu keçirilib.
90deqiqe.Az-ın məlumatına görə, Monteneqro millisi səfərdə Kipri 4:1 hesabı ilə məğlub etdiyi halda, Latviya və Ermənistan yığmaları qolsuz heç-heçə ilə kifayətləniblər.
Kipr – Monteneqro qarşılaşmasında hesab artıq 5-ci dəqiqədə açılıb. Milutin Osmaiç fərqlənərək qonaqları önə çıxarıb.
İkinci hissənin əvvəlində, 52-ci dəqiqədə İoannis Pittas penaltini dəqiq yerinə yetirərək Kipr millisinin bərabərlik qolunu vurub – 1:1. Lakin meydan sahibləri hesabdakı tarazlığı uzun müddət qoruya bilməyiblər. 58-ci dəqiqədə Milan Vukotiç Monteneqronu yenidən önə keçirib.
67-ci dəqiqədə Nikola Krstoviç fərqi iki topa çatdırıb. O, 83-cü dəqiqədə daha bir dəfə rəqib qapısına yol taparaq dubl edib və qarşılaşmanın yekun hesabını müəyyənləşdirib – 4:1.
Günün digər matçında Latviya və Ermənistan milliləri qarşılaşıblar. Gərgin mübarizə şəraitində keçən görüşdə komandalar qol vura bilməyiblər. Beləliklə, qarşılaşma 0:0 hesabı ilə başa çatıb və hər iki kollektiv turnir cədvəlinə bir xal əlavə edib.