- Millətlər liqası
- 02:11 16.11.2026
UEFA Millətlər Liqasının 2026/2027 mövsümünün A Liqasının qrup mərhələsinin VI turunda Fransa və Türkiyə milli komandaları üz-üzə gəlib.
90deqiqe.Az-ın məlumatına görə, Bordoda keçirilən qarşılaşma Fransa yığmasının 2:1 hesablı qələbəsi ilə başa çatıb. “Matmut Atlantik” stadionunda baş tutan matçın baş hakimi İngiltərədən olan Kris Kavana olub.
Görüşdə hesabı 49-cu dəqiqədə Fransa millisinin yarımmüdafiəçisi Bredli Barkola açıb. 80-ci dəqiqədə Eli Krupi fərqi iki topa çatdırıb. Türkiyə millisinin müdafiəçisi Abdülkərim Bardakçı isə 90-cı dəqiqədə bir qol vuraraq yekun hesabı müəyyənləşdirib.
Altı turdan sonra 13 xal toplayan Fransa millisi 1-ci qrupda birinci yeri tutaraq Millətlər Liqasının 1/4 finalına vəsiqəni təmin edib. Türkiyə yığması isə xalsız sonuncu – dördüncü pillədə qərarlaşıb.
Qeyd edək ki, Millətlər Liqasının son qalibi Portuqaliya millisidir. Portuqaliya yığması ötən mövsümün finalında İspaniyanı əsas vaxtı 2:2 hesabı ilə başa çatan oyunun penaltilər seriyasında 5:3 hesabı ilə məğlub edib.