- Millətlər liqası
- 02:11 16.11.2026
UEFA Millətlər Liqasının 2026/2027 mövsümünün A Liqasının 3-cü qrupunda sonuncu – VI turun oyunu keçirilib.
90deqiqe.Az-ın məlumatına görə, İspaniya və İngiltərə milli komandalarının Madridin “Sivitas Metropolitano” stadionunda baş tutan qarşılaşması qonaqların 3:2 hesablı qələbəsi ilə yekunlaşıb.
Matçı Klement Türpenin rəhbərlik etdiyi fransalı hakimlər briqadası idarə edib.
Görüşdə hesabı 45-ci dəqiqədə İngiltərə millisinin kapitanı Harri Keyn açıb. 53-cü dəqiqədə Deklan Raysın ötürməsindən sonra Ezri Konsa fərqi artırıb. 57-ci dəqiqədə isə Cud Bellinqhemin pasını Ben Vayt qola çevirərək hesabı 3:0 edib.
63-cü dəqiqədə ingiltərəli yarımmüdafiəçi Elliot Anderson birbaşa qırmızı vərəqə alaraq komandasını azlıqda qoyub. 65-ci dəqiqədə Mikel Oyarsabal penaltini dəqiq yerinə yetirərək fərqi azaldıb. 75-ci dəqiqədə isə Lamin Yamalın ötürməsindən sonra Niko Vilyams İspaniyanın ikinci qolunu vuraraq yekun hesabı müəyyənləşdirib – 2:3.
Beləliklə, hər iki komanda qrup mərhələsini 15 xalla başa vurub. Topların fərqinə görə İngiltərə birinci, İspaniya isə ikinci yeri tutub.