- Millətlər liqası
- 01:55 17.11.2026
UEFA Millətlər Liqasının A Liqasının II qrupunda Almaniya və Niderland yığmaları arasında keçirilən sonuncu turun mərkəzi qarşılaşması meydan sahiblərinin böyükhesablı qələbəsi ilə başa çatıb.
90deqiqe.Az-ın məlumatına görə, Berlindəki “Olimpiştadion”da baş tutan görüşdə Almaniya millisi rəqibini 5:0 hesabı ilə məğlub edib.
Matçda hesab 41-ci dəqiqədə açılıb. Almaniya millisinin hücumçusu Derri Şerhant kapitan Coşua Kimmixin ötürməsindən sonra fərqlənib.
İkinci hissədə meydan sahibləri üstünlüklərini daha da artırıblar. Florian Virts 60-cı dəqiqədə hesabı 2:0 edib. Beş dəqiqə sonra Brayan Qrudanın ötürməsindən sonra Niko Şlotterbek üçüncü qolu vurub.
71-ci dəqiqədə Virts Qrudanın daha bir məhsuldar ötürməsindən sonra dublunu rəsmiləşdirib. 77-ci dəqiqədə isə Qruda matçda son nöqtəni qoyaraq yekun hesabı müəyyənləşdirib – 5:0.
Bu qələbədən sonra Almaniya millisi 11 xalla II qrupda birinci yeri tutub. Niderland və Yunanıstan yığmaları da eyni xala malik olsalar da, müvafiq olaraq ikinci və üçüncü pillələrdə qərarlaşıblar.