- Millətlər liqası
- 02:19 18.11.2026
UEFA Millətlər Liqasının sonuncu turunda İsrail və Avstriya milli komandaları 1:1 hesablı heç-heçə ediblər.
90deqiqe.Az-ın məlumatına görə,bu nəticə Avstriya yığmasının qrup lideri kimi A Liqasına yüksəlməsinə kifayət edib.
Qarşılaşmada hesabı 36-cı dəqiqədə Dor Perets açıb və İsrail millisini önə keçirib. Meydan sahibləri fasiləyə minimal üstünlüklə yollansalar da, bu hesabı oyunun sonunadək qoruya bilməyiblər.
62-ci dəqiqədə Saşa Kalyayciç Avstriya millisinin bərabərlik qolunu vurub. Görüşün qalan hissəsində hesab dəyişməyib və komandalar hərəyə bir xal qazanıblar.
Beləliklə, 12 xal toplayan Avstriya qrupda birinci yeri tutaraq A Liqasına yüksəlib. Altı oyunda 4 xal qazanan İsrail isə kvartetdə sonuncu – dördüncü pillədə qərarlaşıb.