Alanyaspor'un futbolçusu millimizə çağırıldı

19 yaşadək futbolçulardan ibarət Azərbaycan millisinə daha bir yeni futbolçu dəvət edilib.

Corner.az Türkiyə mətbuatına istinadən xəbər verir ki, "Alanyaspor"un futbolçusu Muhammet Mustafa Yıldırıma AFFA-dan dəvət gəlib.

Superliqa təmsilçisi "Alanyaspor"un U-19 komandasında çıxış edən hücumçu həmin yaş qrupu üzrə yığmamızın növbəti təlim-məşq toplanışına çağırılıb. Yıldırım millinin yanvarın 18-də start götürəcək Antalya toplanışına çağırılıb. Hazırlıq prosesi yanvarın 28-də yekunlaşacaq.

Qeyd edək ki, U-19 millimiz bu ilin oktyabrında Avropa çempionatının 2020-21 mövsümünün seçmə mərhələsində Fransa, Yunanıstan və Moldova ilə qarşılaşacaq..