Millimiz son matçını bərabərliklə bitirdi

Azərbaycan millisi UEFA Millətlər Liqasının qrup mərhələsi çərçivəsində sonuncu oyununa çıxıb.

Corner.az xəbər verir ki, Canni de Byazinin komandası səfərdə Lüksemburqun qonağı olub.

C liqasının 1-ci qrupunun son turunun qarşılaşması hər iki komandanın taleyinə aydınlıq gətirəcəkdi.

Bu komandalar arasında Bakıda keçirilən görüşdə Lüksemburq millisi 2:1 hesabı ilə qalib gəlmişdi. Bu oyunda isə qapılara qol vurulmayıb.

Qrupun digər matçında lider Monteneqro Kipri qəbul edib və 4 cavabsız qolla qələbə qazanıb. Bu nəticələrdən sonra Azərbaycan yığması C Liqasının 1-ci qrupunda 6 xalla 3-cü yeri tutub. Monteneqro birinci, Kipr sonuncu olub.

UEFA Millətlər Liqası
C liqası, 1-ci qrup
17 noyabr

Lüksemburq – Azərbaycan 0:0
Matçın 45+2-ci dəqiqədə D.Sinani penaltidən yararlana bilməyib (qapıçı)
Baş hakim: Feliks Zvayer (Almaniya).
Lüksemburq. Joze Bartel stadionu.

Monteneqro – Kipr 4:0
Qol: Yovetiç, 14. Bolyeviç, 25; 28. Muqoşa, 60.
 

TURNİR CƏDVƏLİ