Millimiz İspaniyaya darmadağınla uduzdu

Qadınlardan ibarət Azərbaycan millisi bu gün Avropa çempionatının seçmə mərhələsində növbəti oyununu keçirib.

Corner.az-ın məlumatına görə, D qrupunda yer alan yığma 7-ci matçında Bakıda İspaniya ilə üz-üzə gəlib. "ASK Arena"dakı qarşılaşma qonaqların 13:0 hesablı qələbəsi ilə başa çatıb.

İspaniya seçməsinin heyətində qolları 21, 24, 30, 31 və 87-ci dəqiqələrdə Ester Qonsales, 33, 43, 67, 82 və 90+3-cü dəqiqələrdə Cennifer Hermoso, 57-ci dəqiqədə Mariona Kaldentey, 75-ci dəqiqədə Eva Navarro və 84-cü dəqiqədə Neraya Eysagirre vurub.

Bu nəticədən sonra xallrını 19-a çatdıran ispaniyalılar final mərhələsinə vəsiqəni təmin ediblər. Xalı olmayan Siyasət Əsgərovun başçılıq etdiyi kollektiv isə sonuncu pillədə qalıb.

Qeyd edək ki, yığma qrupdakı son matçını fevralın 23-də evdə Moldovaya qarşı keçirəcək.