"Qarabağ”ın sabiq qapıçısı Asmir Beqoviç DÇ-2022-nin seçmə mərhələsində Portuqaliya ilə matçda inamlı çıxışı ilə seçilən Azərbaycan millisinin qolkiperi Şahruddin Məhəmmədəliyevə dəstəyini bildirib.
Corner.az xəbər verir ki, hazırda "Bornmut"un uğurları üçün çalışan bosniyalı qolkiper “İnstaqram” səhifəsində Azərbaycan dilində "Qapının Şahı!" yazılan şəkil paylaşıb.
Xatırladaq ki, Beqoviç ötən mövsümün ilk yarısını icarə əsasında "Qarabağ"da keçirib və Şahruddinlə komanda yoldaşı olub.
