Serbiya çox güclü rəqibdir - De Byazi

"İki səfər oyunundan sonra sabah Bakıda ilk matçımıza çıxacağıq. Bu iki qarşılaşmada bəzi keyfiyyətlərimizi göstərə bildik. Təbii ki, bəzi çatışmazlıqlar da oldu. Bunları aradan qaldırmağa çalışacağıq".

Corner.az-ın məlumatına görə, bu fikirləri Azərbaycan millisinin baş məşqçisi Canni De Byazi DÇ-2022-nin seçmə mərhələsinin Serbiya ilə oyunu öncəsi mətbuat konfransında deyib.

65 yaşlı mütəxəssis bildirib ki, sabah komandasını ağır oyun gözləyir: "Fiziki baxımdan çox yaxşı kollektivdir".

Qeyd edək ki, martın 30-da Bakı Olimpiya Stadionunda keçiriləcək Azərbaycan - Serbiya matçı saat 20:00-da start götürəcək.