Futbol üzrə Azərbaycan milli komandası bu gün növbəti yoxlama oyununa çıxıb.
Corner.az xəbər verir ki, Canni De Byazinin komandası səfərdə Moldova yığmasıyla üz-üzə gəlib.
Kişinyovda keçirilən oyunda meydan sahibləri minimal hesabla qalib gəlib. Komandamız ən azı bərabərlik qolu üçün çox çalışmasına baxmayaraq, məğlubiyyətdən xilas ola bilməyib.
Yığmamız bundan əvvəlki yoxlama oyunlarında Türkiyəyə 1:2 hesabıyla uduzub, Belarusa isə 2:1 qalib gəlmişdi.
Yoxlama oyunu
6 iyun
Moldova - Azərbaycan 1:0
Qol: V.Damaşkan, 8.
Kişinyov. “Zimbru” stadionu. Baş hakim: Marian Aleksandru Barbu (Rumıniya).
