Topaz Premyer Liqanın bombardirlər siyahısına başçılıq edən Marko Devic zədələnib.
Corner.az-ın məlumatına görə, “Sabah”ın hücumçusu azı iki həftə yaşıl meydana çıxa bilməyəcək. Buna futbolçunun dizindəki problemlər səbəb olub.
Zədəsi səbəbindən Devicin sabah Premyer Liqada “Zirə”, noyabrın 4-də səfərdə “Qəbələ” ilə oyunları buraxacağı dəqiqləşib. Onun noyabrın 10-da 11-ci turun “Səbail”lə oyunda iştirak etməyəcəyi ehtimalı da yüksəkdir.
