Azərbaycan millisi seçmə mərhələni qələbə ilə başa vurdu

Azərbaycanın 19 yaşadək futbolçulardan ibarət millisi Avropa çempionatının seçmə mərhələsində sonuncu oyununa çıxıb.

Corner.az-ın məlumatına görə, Elxan Abdullayevin baş məşqçi olduğu kollektiv 8-ci qrupdakı 3-cü sınağında Lüksemburq yığması ilə üz-üzə gəlib. Vilts şəhərindəki "Poetz" stadionunda oynanılan görüş Azərbaycan yığmasının 2:0 hesablı qələbəsi ilə yekunlaşıb. Yığmanın heyətində qolları 23-cü dəqiqədə Mirmövsüm Canıyev və 77-ci dəqiqədə Mehrac Baxşəli vurublar.

Beləliklə, ilk iki qarşılaşmada Belçika və İspaniyaya uduzan milli komanda bu qalibiyyət sayəsində qrupu 3-cü sırada başa vurub.