Bakıda təlim-məşq toplanışını davam etdirən qadınlardan ibarət Azərbaycan milli komandası bu gün ilk yoxlama oyununu keçirib.
Corner.az xəbər verir ki, millimiz “Dalğa Arena”da Birləşmiş Ərəb Əmirliklərinin komandası ilə qarşılaşıb. Görüş yığma komandamızın 4:0 hesablı qələbəsi ilə yekunlaşıb.
Peritan Bozdağın dubl etdiyi oyunda komandamızın digər qollarını penaltidən Kristina Bakaranadze və Vüsalə Seyfəddinova vurub.
Bu komandalar arasında fevralın 23-də daha bir oyun keçiriləcək.