Malta - Azərbaycan oyununun hakimləri bəlli oldu

Martın 25-də Maltada “National Stadium”da keçiriləcək Malta – Azərbaycan oyununu idarə edəcək hakimlər müəyyənləşib.

Corner.az xəbər verir ki, Bakı vaxtı ilə saat 22:00-da başlayacaq və "CBC Sport" televiziya kanalı vasitəsilə canlı yayımlanacaq qarşılaşmanı İspaniyadan olan hakimlər briqadası idarə edəcək. Qarşılaşmanın baş hakimi Alexandro Hernandes olacaq.

Ona yan xətdə  Xose Naranyo və Angel Nevado kömək edəcək. Dördüncü hakim funksiyasını Sezar Soto Grado yerinə yetirəcək.