Qəbələdə təlim-məşq toplanışında olan 16 yaşadək futbolçulardan ibarət Azərbaycan milli komandasının heyətinə daha bir futbolçu dəvət olunub. Corner.az xəbər verir ki, “Neftçi” klubunun üzvü Elvin Vəliyev düşərgəyə qoşulub. Bu barədə AFFA-nın rəsmi saytı məlumat yayıb.
U-16-nın Qəbələ toplanışı mayın 28-dək davam edəcək. Millimiz hazırlıq çərçivəsində iki yoxlama oyunu keçirəcək. U-16 mayın 25-də və 27-də latviyalı yaşıdları ilə qarşılaşacaq.
