Filip Ozobiçin millimizə çağırılmamasının səbəbi bilindi

"Qarabağ"ın futbolçusu Filip Ozobiçin Azərbaycan millisinə dəvət almamasının səbəbi bəlli olub.

Corner.az-ın məlumatına görə, 31 yaşlı yarımmüdafiəçi ayağındakı ağrılara görə yığmaya dəvət edilməyib.

Zədədən əziyyət çəkən xorvatiya əsilli oyunçu məşqçilər heyətinə UEFA Millətlər Liqasının iyundakı oyunlarında yığmada çıxış edə bilməyəcəyini söyləyib.

Qeyd edək ki, Azərbaycan millisi iyunun 3-də Nur-Sultan şəhərində Qazaxıstan, 3 gün sonra isə Serbiyanın Novi Sad şəhərində Belarus seçməsinin qonağı olacaq. Yığma iyunun 10-da Slovakiyanı, 13-də isə Belarusu "Dalğa Arena"da qəbul edəcək.