21 yaşadək futbolçulardan ibarət komandalar arasında Avropa çempionatının seçmə mərhələsi çərçivəsində keçiriləcək Estoniya - Azərbaycan oyununun hakimləri açıqlanıb. Corner.az xəbər verir ki, sözügedən qarşılaşmanı Uelsdən olan hakimlər briqadası idarə edəcək.
Oyunun baş hakimi Robert İan Jenkins təyin olunub. Ona yan xətt hakimləri İan David Bird və Eşli Deyvis kömək edəcəklər. Dördüncü hakim funksiyasını isə Aleks Makinç yerinə yetirəcək.
Qeyd edək ki, Estoniya - Azərbaycan oyunu iyunun 3-də Parnu şəhərindəki “Parnu Rannastaadion”da keçiriləcək. Oyuna saat 20:00-da start veriləcək.
