Mini futbol üzrə Azərbaycan millisi bu gün Slovakiyanın Koşitse şəhərində keçirilən Avropa çempionatında final oyununa çıxıb. Corner.az xəbər verir ki, həlledici matçda millimiz Rumıniya yığması ilə üz-üzə gəlib.
Azərbaycan yığması B qrupundakı ilk oyununda məhz bu rəqibə 0:2 hesabı ilə məğlub olmuşdu. Amma final qarşılaşmasında millimiz rumınlara 1:0 hesabı ilə qalib gələrək Avropa çempionu olub. Komandamızın yeganə qolunu ilk hissədə Seymur Məmmədov vurub.
Bundan öncə isə üçüncü yer uğrunda görüş keçirilib. Qazaxıstanla qarşılaşan Bolqarıstan yığması 4:1 hesablı qələbə qazanaraq bürünc medallara sahib çıxıb.
Xatırladaq ki, Azərbaycan millisi yarımfinalda Qazaxıstana 3:2, Rumıniya isə Bolqarıstana 4:0 hesabı ilə qalib gəlmişdi.
