Çimərlik Futbolu üzrə Azərbaycan milli komandasının Dünya Çimərlik oyunlarının (ANOC World Beach Games) Avropa zonası üzrə seçmə mərhələsində növbəti oyununu keçirib. Corner.az xəbər verir ki, İtaliyanın Katanya şəhərində baş tutmuş Ukrayna – Azərbaycan qarşılaşması rəqibin 5:4 hesablı qələbəsi ilə yekunlaşıb.
Millimizin qollarını Orxan Məmmədov, Kamil Hüseynov, Ramil Əliyev və Amid Nəzərov vurub.
Komandamız ötən gün baş tutan ilk oyunda da İsveçrə yığmasına məğlub olmuşdu – 4:7.
Digər qruplarda qeydə alınacaq nəticələrdən asılı olaraq, millimizin növbəti mərhələyə vəsiqə qazanıb-qazanmayacağı məlum olacaq.
