Qadın futbolçulardan ibarət Azərbaycan milli komandası dünya çempionatının seçmə mərhələsində son oyununu keçirib. Corner.az xəbər verir ki, rəqib Bosniya və Herseqovina yığması olub.
"Dalğa Arena"da keçirilən qarşılaşma 1:1 hesablı heç-heçə ilə başa çatıb.
Hesabı 64-cü dəqiqədə qonaqlardan Minela Qaçanitsa açsa da, bu qol sevinci cəmi 3 dəqiqə çəkib. 67-ci dəqiqədə Nazlıcan Parlak tarazlığı bərpa edib.
Bu nəticədən sonra xallarını 7-yə çatdıran Siyasət Əsgərovun baş məşqçi olduğu kollektiv 4-cü pillədə qərarlaşıb. Bosniya və Herseqovina isə 10 xalla 2-ci sıradakı mövqeyini qoruyub.
