Millimizə üç legioner çağırıldı

19 yaşadək futbolçulardan ibarət Azərbaycan yığma komandasının iyunun 2-dən 6-dək Bakıda, iyunun 7-dən 10-dək Belarusun Minsk şəhərində təlim-məşq toplanışı olacaq.

Corner.az AFFA-nın saytına istinadən xəbər verir ki, hazırlıq müddətində U-19 belaruslu həmyaşıdları ilə iyunun 8-də (yerli vaxtla saat 18:00-da) və 10-da (yerli vaxtla saat 11:00-da) yoldaşlıq oyunları keçirəcək.

Toplanışa aşağıda adları qeyd olunan futbolçular çağırılıb:

Rüstəm Samiqullin ("Strogino", Rusiya), Elnur İbragimov (Moskva klubunun akademiyası, Rusiya), Ruslan Qabaraev (MOİK, Rusiya), Ayhan Arazlı, Zamiq Əliyev, Nihad Quliyev, Tural Bayramov (hamısı "Qarabağ"), Nihad Qurbanlı, İlkin Əbiyev, Vüsal Əsgərov, Turan Vəlizadə, İsmayıl Zülfüqarlı (hamısı "Neftçi"), Murad Məmmədov, Ədilxan Qarəhmədov (hər ikisi "Səbail"), Xəyal Muradov, İdris İnqilablı, Əli Mürsəlov, Veysəl Rzayev (hamısı "Qəbələ"), Rüfət Abdullazadə, Səbuhi Abdullazadə  (hər ikisi "Sumqayıt")