17 yaşadək futbolçulardan ibarət Azərbaycan millisi təlim-məşq toplanışı keçəcək. Corner.az xəbər verir ki, aprelin 12-15-i aralığında Bakıda hazırlaşacaq komandamız ardından Şimali Makedoniyanın Skopye şəhərinə yollanacaq.
Yığmamız orada iki yoxlama görüşündə qüvvəsini sınayacaq.
Ayın 21-dək Skopyedə qalacaq Füzuli Məmmədovun yetirmələri aprelin 18-də və 20-də Şimali Makedoniyanın müvafiq yaş qrupundan ibarət komandasına qarşı iki yoldaşlıq oyunu keçirəcək.