Canni de Byazi: İlk vaxtlar çətinlik çəkdim

Azərbaycan millisinin baş məşqçisi Canni de Byazi İtaliya mətbuatına müsahibə verib. Corner.az xəbər verir ki, 66 yaşlı mütəxəssis ölkə xaricində çalışmaq istəyən mütəxəssislərə məsləhətlər verib:

“Xaricdə təcrübə çox kömək edir. Yerli dinamikaya incəliklə uyğunlaşmağa çalışmalısan. Məsələn, mən ilk vaxtlarda yeni vərdişlərə uyğunlaşmaqda çətinlik çəkdim. Belə bir işlə məşğul olanda daha az fundamentalizm və daha çox çeviklik lazımdır. Düşüncələrinizi futbolçuların beyninə köçürmək qabiliyyətinə sahib olmalısınız. Eyni zamanda təkmilləşməyə can atan oyunçulara da sahib olmağınız vacibdi”.

Qeyd edək ki, Canni de Byazi 2020-ci ildən Azərbaycan millisinin "sükan"ı arxasındadı.