FIFA növbəti reytinqi açıqlanıb. Corner.az xəbər verir ki, Azərbaycan millisinin də mövqeyi müəyyənləşib.
Yığmamız ötən ilin dekabrında açıqlanan siyahı ilə müqayisədə 3 pillə geriləyib. AVRO-2024-ün seçmə mərhələsində Avstriya (1:4) və İsveçə (0:5) məğlubiyyət Canni de Byazinin kollektivinin 124-cü sıraya düşməsinə səbəb olub. Komandamızın aktivində 1142 xal var.
Son dünya çempionu Argentina millisi reytinqdə zirvəni ələ keçirib. Cənubi amerikalılar 1840 xala malikdi. Fransa (1838) da 1 pillə irəliləyərək 2-ci yerdə göstərilib. Reytinqin son lideri Braziliya (1834) isə 3-cü yerə düşüb.
