17 yaşadək futbolçulardan ibarət Azərbaycan millisinin Albaniyanın Tirana şəhərində keçiriləcək UEFA İnkişaf turniri üçün yekun heyəti müəyyənləşib. Corner.az xəbər verir ki, məşqçilər korpusu ilkin heyətdən cəmi bir oyunçunu komandadan kənarlaşdırıb. Bu, “Qarabağ”ın üzvü Amid Qasımovdu.
Həmçinin, oyunların təqvimi də bəllidi. Millimiz mayın 2-də Farer adaları (Bakı vaxtı ilə saat 13:00-da), 4-də Albaniya (19:00), 7-də isə Moldova (13:00) ilə qarşılaşacaq. Hər üç görüş “House of Football" stadionunda olacaq.
