Qadın futbolçulardan Azərbaycan yığmasının UEFA Millətlər Liqasının 2023-24 mövsümündə keçirəcəyi oyunların təqvimi bəlli olub. Corner.az xəbər verir ki, millimiz ilk dəfə təşkil olunacaq yarışda C Liqasının 3-cü qrupunda mübarizə aparacaq.
Siyasət Əsgərovun kollektivi ilk görüşünü sentyabrın 22-də evdə Kiprə qarşı keçirəcək. Bundan 4 gün sonra komandamız Monteneqronun qonağı olacaq.
Millimiz oktyabrda da iki matç oynayacaq. Əvvəlcə ayın 27-də Farer adalarının qonağı olacaq qadınlarımız oktyabrın son günündə Monteneqronu qonaq edəcək.
Yığmamız qrupda son görüşlərini isə dekabrda keçirəcək. İlin son ayının 1-də Kiprlə səfər, 5-də isə Farer adaları ev sınağı olacaq.