- Milli komanda
- 16:52 13.01.2026
Azərbaycanın 2023/2024 mövsümünə UEFA reytinqində başlayacağı mövqe bəlli olub.
Corner.az-ın məlumatına
görə, Azərbaycan növbəti mövsümün startında Avropanın 29-cusu olacaq. Bu, 2022/23
mövsümünün sonundakı mövqe ilə eynidir. Start ərəfəsində 2018/2019-da toplanan
2.375 reytinq xalı silinəcək.
2023/2024 mövsümü də
daxil olmaqla, Avropa arenasında son beş ilin ümumi nəticələrinə əsasən 14.250
xalla başlayacaq Azərbaycan klubları üçün 29-cu yerdən düşmək qorxusu yoxdur.
Çünki 30-cu pillədəki Moldova ilə 3.125 xallıq fərq var.
Əvəzində mövsümün startındaca
28-ciliyi ələ keçirmək real görünür. Buna səbəb həmin mövqenin sahibi olan
Slovakiyanın Azərbaycanı cəmi 0.375 xal qabaqlamasıdır.
Mövsümün gedişində reytinqdə 27-ci olan Bolqarıstanı da ötmək mümkündür. Bunun üçün adıçəkilən ölkə təmsilçilərindən ən azı 1.750 xal çox toplamaq lazımdır.
