Ümid edirəm ki, yaxşı nəticə əldə edəcəyik

"Çox yaxşı komandaya qarşı mübarizə aparacağıq. Bu görüşdə nəticə qazanmaq istəyirik".

90deqiqe.az xəbər verir ki, bunu Azərbaycan millisinin futbolçusu Emin Mahmudov Belçikaya qarşı keçirəcəkləri AVRO-2024-ün seçmə mərhələ oyunundan əvvəl mətbuat konfransında söyləyib.

31 yaşlı yarımmüdafiəçi bütün oyunçuların görüşə hazır olduğunu bildirib: "Ümid edirəm ki, yaxşı nəticə əldə edəcəyik".

Xatırladaq ki, noyabrın 19-da Brüsseldəki “Kinq Baudouin” stadionunda keçiriləcək Belçika – Azərbaycan oyunu Bakı vaxtı ilə saat 21:00-da başlayacaq. Meydan sahibləri F qrupunda 17 xalla ikincidir. Komandamız isə 7 xalla 4-cü sırada qərarlaşıb.