Millimiz FIFA reytinqində 6 pillə irəlilədi

Azərbaycan millisi FIFA reytinqində ötən ayla müqayisədə 6 pillə irəliləyib.

90deqiqe.az ali futbol qurumunun rəsmi saytına istinadən xəbər verir ki, yığma 114-cü mövqedə qərarlaşıb.

Hazırda baş məşqçisiz olan millimiz 1174.22 xala malikdir. Milli AVRO-2024-ün son matçlarında İsveçə Bakıda 3:0 hesabı ilə qalib gəlib, səfərdə Belçikaya məğlub olub- 0:5.

Argentina yığması (1855,20) liderliyini qoruyubsa, Fransa (1845,44) ikinci, İngiltərə (1800.05) isə üçüncü pillədə qərarlaşıb.

Belçika (1798,46) dördüncü,, beşqat dünya çempionu Braziliya (1784,09) isə beşinci pilləyə yuvarlanıb.

Xatırladaq ki, AFFA İcraiyyə Komitəsi noyabrın 22-də millinin baş məşqçisi Canni De Byazi ilə yolları ayırıb. Yığma onun rəhbərliyi altında AVRO-2024-ün seçmə mərhələsində 7 xalla F qrupunda 4-cü yeri tutub.