- Milli komanda
- 15:46 21.03.2025
Qadın futbolçulardan ibarət Azərbaycan millisi Avropa çempionatının seçmə mərhələsində ilk oyununa çıxıb.
90deqiqe.Az xəbər verir ki, B Liqasının I qrupunda mübarizə aparan Siyasət Əsgərovun baş məşqçisi olduğu kollektiv səfərdə Macarıstanla üz-üzə gəlib.
Görüş 1:1 hesablı heç-heçə ilə başa çatıb. Əvvəlcə hesabı 44-cü dəqiqədə Henrietta Çizar açıb. Lakin qarşılaşmada son nöqtəni 74-cü dəqiqədə Sevinc Cəfərzadə penaltidə fərqlənərək, komandamıza 1 xal qazandırıb.
Qeyd edək ki, Azərbaycan millisi aprelin 9-da doğma meydanda İsveçrəni qəbul edəcək.
