Millimiz böyük hesabla məğlub olub

19 yaşadək qadın futbolçular arasında AVRO-2025-in seçmə mərhələsində növbəti oyunlar keçirilib.

90deqiqe.az xəbər verir ki, Azərbaycan millisi III turun matçına çıxıb.

Oyunları Latviyada keçirilən B liqasının 4-cü qrupunda mübarizə aparan Həbib Ağayevin yetirmələri meydan sahibləri ilə görüşüblər. İlk iki oyununda Monteneqroya 0:4, Bolqarıstana 0:1 hesabı ilə uduzan millimiz 3-cü oyununda da məğlub olaraq sonuncu yeri tutub. Matçın taleyini ilk yarıda həll edən Baltikyanı ölkə təmsilçisi böyük hesabla qalib gəlib – 4:0.

Qeyd edək ki, II turun digər matçında Monteneqro Bolqarıstana uduzub – 1:2.

19 yaşadək qızlar arasında AVRO-2025-in seçmə mərhələsi
B liqası, IV qrup
III tur, 9 aprel
14:00. Azərbaycan – Latviya – 0:4
Qollar: Nikola Preyere, 5, Ameliya Lipşan, 32, Alina Anson, 35, Marina Telukevitsa, 45+2 (p.)