- Milli komanda
- 14:00 14.11.2024
Monteneqronun paytaxtı Podqoritsada təlim-məşq toplanışında olan 18 yaşadək futbolçulardan ibarət Azərbaycan milli komandası növbəti yoxlama görüşünü keçirib.
90deqiqe.Az xəbər verir ki, U-18 yığması Monteneqronun müvafiq yaş qrupundan ibarət komandası ilə qarşılaşıb.
Oyun millimizin 2:1 hesablı qələbəsi ilə yekunlaşıb. Komandamızın qələbə qollarını 5-ci dəqiqədə Emin Feyzullayev və 56-cı dəqiqədə Rəşad Alışov vurublar.
Qeyd edək ki, komandalar arasında oktyabrın 29-da keçirilmiş ilk oyunda Monteneqro yığması 2:0 hesablı qələbə qazanıb.
