Azərbaycanın U-17 və U-19 yığmaları seçmə mərhələdə ilk oyunlarını keçirib

Azərbaycanın 17 və 19 yaşadək futbolçulardan ibarət milli komandaları Avropa çempionatının seçmə mərhələsində mübarizəyə başlayıb.

90deqiqe.Az xəbər verir ki, VI qrupda yer alan U-17 yığması ilk matçında Macarıstanla üz-üzə gəlib. Rumıniyadakı “Tunari” stadionunda keçirilən görüş rəqibin 2:0 hesablı qələbəsi ilə başa çatıb.

VII qrupda mübarizə aparan U-19 seçməsi isə islandiyalı həmyaşıdları ilə qarşılaşıb. Moldovanın paytaxtı Kişineuda yerləşən “Zimbru-2” stadionunda təşkil olunan qarşılaşmada Azərbaycan millisi rəqibinə 4 cavabsız qolla uduzub.

Qeyd edək ki, Azərbaycan yığmaları seçmə mərhələdə növbəti oyunlarını noyabrın 16-da keçirəcək. U-17 Yunanıstanı, U-19 isə İrlandiyanı sınağa çəkəcək.