- Milli komanda
- 19:00 02.12.2025
Azərbaycan milli komandasının kapitanı Emin Mahmudov DÇ-2026-nın seçmə mərhələsi çərçivəsində Ukrayna ilə keçirilən oyunda qol vuraraq tarixi rekorda imza atıb.
90deqiqe.Az-ın məlumatına görə, yarımmüdafiəçi millinin heyətində qollarının sayını 15-ə çatdıraraq Azərbaycan millisinin ən məhsuldar futbolçusu olub və sabiq hücumçu Qurban Qurbanovun 21 illik rekordunu yeniləyib.
Qurbanov 1992–2005-ci illər ərzində millinin heyətində 68 oyunda 14 qol vurmuşdu və sonuncu dəfə 2004-cü ildə Latviya ilə yoldaşlıq görüşündə (2:2) fərqlənmişdi. Emin Mahmudov isə 2016-cı ildən Azərbaycan millisində çıxış etdiyi 56-cı matçında 15-ci qoluna imza atıb.
