Yığmamız final mərhələsində!

19 yaşadək futbolçulardan ibarət Azərbaycan yığma komandası Avropa çempionatının ilkin seçmə qrup mərhələsində bu gün son oyununu keçirib. 

Corner.az-ın qol.az-a istinadən məlumatına görə, Vüqar Məmmədin başçılıq etdiyi kollektiv Lixtenşteynin müvafiq yaş qrupundan ibarət komandası ilə qarşılaşıb. Rəqibini 3:0 hesabı ilə məğlub edən millimiz 6 xalla qrupu 2-ci pillədə tamamlayıb və adını elit-raunda yazdırıb.

Millimizin əsas izləyicisi Gürcüstan isə İsraillə 1:1 hesablı heç-heçəyə razılaşıb və 4 xalla 3-cü pilləni tutub. İsraillilər isə qrup lideri kimi final mərhələsinə vəsiqə qazanıblar.

Avropa çempionatının seçmə mərhələsi, 1-ci qrup

3-cü tur
Azərbaycan - Lixtenşteyn - 3:0 
Qollar: M. Mahmudov, 14 (1:0), K. Quliyev, 64 (2:0), 69 (3:0)
Hakimlər: Erik Lambrexts, Karel De Rokker (hər ikisi Belçika), Giorgi Elikaşvili, 
Aleko Aptsiauri (hər ikisi Gürcüstan)

 İsrail - Gürcüstan - 1:1
Qollar: Z. Davitaşvili, 17 (0:1), E. Karzev, 42-penalti (1:1)