U-17 millimiz Avropa çempionatının seçmə mərhələsinə məğlubiyyətlə başladı

Azərbaycanın 17 yaşadək futbolçulardan ibarət milli komandası Avropa çempionatının seçmə mərhələsində ilk oyununu keçirib.

90deqiqe.Az xəbər verir ki, Aqil Nəbiyevin rəhbərlik etdiyi yığma Fransanın müvafiq yaş qrupundan ibarət komandası ilə üz-üzə gəlib.

Kapbreton şəhərindəki “Burre” stadionunda baş tutan qarşılaşma Fransa yığmasının böyükhesablı qələbəsi ilə başa çatıb – 8:0. Azərbaycan millisinin üzvü Səttar Tahirzadə 66-cı dəqiqədə qırmızı vərəqə alaraq meydanı tərk edib.

U-17 millimiz seçmə mərhələdə növbəti oyununu oktyabrın 11-də İsrailə, son qarşılaşmasını isə oktyabrın 14-də Rumıniyaya qarşı keçirəcək.