“İslandiya ilə çətin oyun olacaq, amma..."

DÇ-2026-nın seçmə mərhələsi çərçivəsində noyabrın 13-də 8-ci km qəsəbə stadionunda keçiriləcək Azərbaycan – İslandiya oyunu öncəsi millimizin müdafiəçisi Anton Krivotsyuk mətbuat konfransında fikirlərini bölüşüb.

90deqiqe.Az-ın məlumatına görə, təcrübəli futbolçu rəqibin güclü olmasına baxmayaraq meydana qələbə üçün çıxacaqlarını bildirib.

“Rəqibimizi yaxşı tanıyırıq. İslandiya güclü komandadır, heyətlərində keyfiyyətli və kreativ oyunçular var. Bilirik ki, bizi çətin oyun gözləyir. Lakin bu qarşılaşmaya ciddi şəkildə hazırlaşmışıq. Sabah uğurlu performans göstərəcəyimizə və yaxşı nəticə əldə edəcəyimizə inanıram”

Azərbaycan millisi noyabrın 13-də, Bakı vaxtı ilə saat 21:00-da İslandiya yığmasını qəbul edəcək.