"Ən böyük problemimiz standart vəziyyətlərdir"

21 yaşadək futbolçulardan ibarət Azərbaycan milli komandasının baş məşqçisi Rəşad Eyyubov Avropa çempionatının seçmə mərhələsində Bakıda Portuqaliya U-21 millisi ilə keçirilən oyundan (0:4) sonra fikirlərini bölüşüb.

90deqiqe.Az-ın məlumatına görə, mütəxəssis oyundan sonra keçirilən mətbuat konfransında bildirib ki, komanda ilk hissədə tapşırıqları yerinə yetirə bilib:

“Birinci hissədə oyuna köklənmə yüksək səviyyədə idi. Buna görə oyunçulara təşəkkür edirəm. İkinci hissədə təəssüf ki, bunu itirdik. Bizim ən böyük problemimiz standart vəziyyətlərdir. Belə epizodlardan 3 qol buraxdıq. Rəqib intensivlik baxımından bizdən üstün idi”.

Qeyd edək ki, Azərbaycan U-21 millisi növbəti oyununu martın 31-də səfərdə Bolqarıstan U-21 millisinə qarşı keçirəcək.