Millimiz Bəhreynə qalib gəldi

Bu gün Azərbaycan milli komandası yoldaşlıq görüşünə çıxıb.

Corner.az-ın məlumatına görə, yığmamız səfərdə Bəhreynlə qarşılaşıb.  Bəhreyn Milli Stadionunda keçirilən matçda millimiz 3:2 hesabı ilə qələbə qazanıb. Bu, Nikola Yurçeviçin yığmamızla ilk qələbəsi olub.

FİFA-nın son reytinq siyahısında Bəhreyn millisi öndədir. Hazırda bu komanda 1206 xalla 105-ci pillədə qərarlaşıb. Azərbaycan isə 1191 xalla 109-cudur.

9 oktyabr

Yoldaşlıq oyunu

20:30. Bəhreyn - Azərbaycan - 2:3
Qollar: Rahman, 31 (1:0), Rüfət Dadaşov, 41 (1:1), Təmkin Xəlilzadə, 62 (1:2), Saad, 68 (2:2), Ramil Şeydayev, 70 (2:3)
Bəhreyn milli stadionu