Azərbaycanının U-17 millisi Moldovaya uduzub

17 yaşadək futbolçulardan ibarət Azərbaycan milli komandası Moldovanın U-17 yığması ilə beynəlxalq yoldaşlıq turniri çərçivəsində ilk oyununu keçirib.

AFFA-dan 90deqiqe.Az-a verilən məlumata görə, Kişineu şəhərində yerləşən “Technical Center of FAM”da keçirilən qarşılaşma Azərbaycan millisinin 0:2 hesablı məğlubiyyəti ilə başa çatıb.

Qeyd edək ki, Azərbaycan U-17 turnir çərçivəsində daha iki oyun keçirəcək. Millimiz sentyabrın 9-da Bakı vaxtı ilə saat 14:30-da Moldovanın U-18, sentyabrın 11-də isə eyni saatda Latviyanın U-17 komandası ilə qarşılaşacaq.

Hər iki görüş Kişineu şəhərindəki “Technical Center of FAM”da keçiriləcək.