Adı millimizlə hallanan məşqçidən açıqlama
Milli komandamızın sükanı arxasına keçməyə əsas namizədlərdən olan Gianni De Biasi xarici ölkə yığmasından təklif aldığını bildirib.Corner.az-ın İtaliya mətbuatına istinadən yaydığı xəbərə görə, ancaq 62 yaşlı mütəxəssis bunun hansı ölkə olduğunu açıqlamayıb:"Xarici ölkənin milli komandasını çalışdırmaqla bağlı təklif almışam və hazırda buna görə həyəcanlıyam".İtaliyanın "Tuttomercatoweb.com" saytı isə C. de Biasi ilə AFFA arasında danışıqların davam etdiyini və məsələyə bu həftə içində aydınlıq gələ biləcəyini yazıb. İddiaya görə, təcrübəli mütəxəssis də millimizin sükanı arxasına keçməkdə maraqlıdır.
