"Araz - Naxçıvan" bir neçə futbolçusu ilə davam edəcək

“Araz -  Naxçıvan” futbol klubunda transfer məsələlərinə aydınlıq gəlib.

Futbol komandasının baş məşqçisi Azər Bağırov Corner.az-a açıqlamasında bildirib ki, əsas işləri  Premyer Liqa vəsiqəsini əldə etdikdən sonra edəcəklər:

“Hazırda baxdığımız, izlədiyimiz, söz göndərdiyimiz futbolçular var. Bizlərlə kim davam edəcək bu da çox maraqlıdı. İstərdik ki, futbolçuların yarısından çoxu bizimlə olsun. Yəni I Divizionda olanlar. Amma reallıqlar, standartlar var.  Və bu gün həmin o standartlara cavab verən, heyətimizdə olanlardan bir neçəsi bizimlə davam edə biləcək.  Çünki biz Kubok oyununda “Qəbələ” ilə qarşılaşdıqda çox böyük boşluqlar gördük”. 

Şəfəq Samed