“Hansı yükün altına girdiyimizi bilirdik və buna hazır idik”.
Corner.az xəbər verir ki, bu sözləri Şamaxı futbol klubunun baş məşqçisi Cavid Hüseynov deyib. O, kollektivin gənclərdən ibarət olduğunu deyərək nəticəni ehtimal etdiyini də bildirib:
“Baxmayaraq ki, kollektiv gənclərdən formalaşmışdı, biz də bu təcrübədən maksimum dərəcədə yararlanmaq istəyirdik. Rəhbərliyin qarşıya qoyduğu vəzifə turnir cədvəlindəki mövqeyimizdən asılı olmayaraq komandanın inkişafına nail olmaq idi. Düşünürəm ki, bunu layiqli şəkildə yerinə yetirdik.
Əgər bizim komandada təcrübəli oyunçu sayı 1-2 idisə, rəqiblərimizdə kifayət qədər idi. Bizim futbolçularımızın 95%-i gənc və təcrübəsiz oyunçular idi.
Belə desək, rəqiblərimizin heyətində bir futbolçunun oynadığı oyunların sayı bizim komandada futboçuların ümumi oyun sayına bərabər idi. Amma biz bunu bilirdik və buna hazır idik”.
Şəfəq Samed
