“Əgər AFFA yenə yalnız “toplananların yerini” dəyişsə, “cəm” dəyişməyəcək!” - EKSKLÜZİV MÜSAHİBƏ

“Fabio Kannavaro və ya Alessandro Nesta, De Byazilərdən üstündürlər ki?”

Tanınmış idman jurnalisti Rasim Mövsümzadə 90deqiqe.az saytına eksklüziv müsahibəsində Fabio Kannavaro və Alessandro Nesta kimi veteran futbolçuların millimizə mümkün gəlişindən danışıb. 

- Maraqlıdır ki, futbol ictimaiyyəti və  azarkeşlərin əksəriyyətinin fikri “Azərbaycan millisini yerli məşqçi çalışdırmalıdır” olsa da, buna əhəmiyyət verməyib yenə mətbuatda və sosial şəbəkələrdə əcnəbi mütəxəssislərin adlarını hallandırıb, namizəd kimi göstərənlər var.

Mən də belə bir sual verim: istər burada çalışdığı dövrdə, əsasən, San Marinoya iki dəfə qalib gəlməsi ilə öyünə bilən Robert Prosineçki olsun, istər Azərbaycan çempionatında işlədiyi dörd mövsüm ərzində “Qarabağ”ın hegemonluğunu durdura bilməyən Roman Qriqorçuk, istərsə də adlarını çəkdiyiniz futbolçu kimi dünya çempionu olub, məşqçi kimi nailiyyətlərə imza atmayanlar və ya eləcə də qonşu ölkələrin qocaman mütəxəssisləri – onlar nədə Foqtslardan, De Byazilərdən üstündürlər ki? 
Əgər AFFA yenə yalnız “toplananların yerini” dəyişsə, “cəm” dəyişməyəcək!