TAHİR BAXŞIYEV : "2024-cü ilin fevralında 2 matçımız olacaq"

"2024-cü ilin fevralında 2 matçımız olacaq"

Bu sözləri 90deqiqe.az saytına müsahibə verən kişi basketbol millimizin çalışdırıcısı Tahir Baxşıyev söyləyib. O, 2023-cü ili dəyərləndirməklə yanaşı, milli komandanın gələn il üçün hədəflərindən bəhs edib. 

- 2023-cü ili necə dəyərləndirərsiz?

- "Bu il çempionat ötən ilkindən daha gərgin keçir. İlin ilk hissəsini NTD İNDİGO olaraq 2-ci pillədə bitirdik. qarşıdakı matçlar daha çətin olmalıdır, çünki komandalar hamısı daha da güclənəcək. Boşluq verməli deyilik, çünki hədəfimiz çempionluqdur."

- Milli komandaya yeni təyinat almısınız, yığmanın növbəti il üçün planları nədir?

"Baş məşqçi təyinatına görə federasiyaya təşəkkür edirəm. Mənə etimad edillərsə bunun qarşılığını maksimum şəkildə verməyə çalışmalıyam. 2024-cü il. fevral ayında millini İsveçrə və Kosovo ilə qarşılaşmalar gözləyir. Uşaqların  hamısı ilə ünsiyyətdəyəm. Fevralın əvvəli Türkiyəyə təlim məşq toplanışına yollanacayıq. Daha sonra isə yekun heyətlə İsveçrəyə matça  gedəciyik."

- Heyətdə hər hansı ciddi dəyişiklik gözlənilir?

"Milli komandada əlbətdəki gənclərə daha çox yer ayrılacaq. Lakin təcrübəli oyunçularda komandaya dəstək üçün qalmalıdır. Sonda ən güclü 12 basketbolçu heyətdə yer alacaq."