Serbiyada oynayan 15 yaşlı azərbaycanlı - MÜSAHİBƏ

Serbiyanın titullu klubu "Sreva Zvezda"nın heyətində oynayan azərbaycanlı futbolçu -15 yaşlı İslam Həsənov

90deqiqe.az saytına eksklüziv müsahibə verən İslam Serbiyaya necə yollandığını və hədəflərini söyləyib.

Həmin müsahibəni təqdim edirik:

"6 ilidiki sabah futbol komandasında futbolun sirlərini öyrənirdim. Öz videolarımı sosial şəbəkələrdə tez-tez paylaşırdım. Serb futbol skautu tərəfindən mesaj aldım. Məni bəyənmişdilər və Belqarada dəvət edirdilər. "Srvena Zvezda"nın akademiyasına yollanmaq üçün ailəmlə məsləhətləşdim və razılıqlarını aldım. Belqrad şəhərinə getdim və akademiyanın U-16 kollektivində iki məşqə və bir yoxlama matçına çıxdım. Səhəri gün məni bəyəndiklərini və heyətə qəbul olduğumu söylədilər. "Srvena Zvezda"nın heyətində artıq bir neçə matça çıxmışam və 3 illik müqaviləyə imza atmışam. Mövsümün ilk yarısını başa vurmuşuq. İkinci yarıda isə daha çox çalışıb, özümü ən yaxşı tərəfdən göstərmək istəyirəm"