Tural Piriyev: "Klublar bilet satışında israrlı olmalıdırlar"

"Region komandalarının maliyyə kanalları olmalıdır"

90deqiqe.az xəbər verir ki, bu sözlər Futbolun İnkişaf Fondunun rəhbəri Tural Piriyevə məxsusdur. O, region klublarının bilet satışı ilə bağlı çatışmazlıqdan danışıb

"Azərbaycanda, əl-əxsusda paytaxtdan kənarda fəaliyyət göstərən klublar sanki verdiş ediblər, oyunlar zamanı dört min və ya 5 min azarkeş stadionu istədiyi şəkildə və pulsuz daxil ola bilir. Bunu bilet satişı ilədə etmək mümkündür. Biz mütamadi olaraq region klubları ilə əlaqədə oluruq və bu detalları onlara bildiririk. Amma bu məsələyə ötəri yanaşırlar. Bilet satışı ilə yanaşı, əgər azarkeş fasilə zamanı arenadan çıxıb ətrafdakı marketlərdən və ya restoranlardan azuqə ala bilirsə, deməli bunu klub stadion daxilində də edə bilər. Bunlar klubların önəmli maliyyə kanallarına çevrilməlidir"