Səbuhi Abdullazadə: "Məşqçimiz Samir Abasovun tapşırıqlarına əməl edib, çempionata yaxşı şəkildə qayıtmağı planlaşdırırıq"

Mövsümün ikinci hissəsinə hazırlığı əvəlləcə Sumqayıtda, daha sonra isə Antalyada keçirən “Sumqayıt” məşq prosesini davam etdirir. Lara bölgəsində məskunlaşan Samir Abasovun yetirmələri artıq fiziki hazırlığı başa çatdırıblar.

90deqiqe.az saytına müsahibə verən komandanın aparacı simalarından olan Səbuhi Abdullazadə Gənclik şəhəri təmsilçinin son durumu ilə bağlı “CBC Sport”a eksklüziv müsahibə verib. Yarımmüdafiəçi çempionatın ikinci yarısına yüksək səviyyədə qayıdacaqlarını vurğulayıb :

"Bizim üçün yaxşı II dövrənin sonunda qələbə qazana bildik və istirahətə yaxşı əhval ruhiyyədə yollandıq. Fasilədən sonra əvvəlcə Sumqayıtda məşqlərə başladıq, indi isə Antalyadayıq. Hər şey qaydasındadır və plana uyğun gedir. Qarşıda Antalyada bizim iki yoxlama oyunu gözləyir. Məşqçimiz Samir Abasovun tapşırıqlarına əməl edib, çempionata yaxşı şəkildə qayıtmağı planlaşdırırıq. Düşünürəmki bu uğurlu çıxışımızı fasilədən sonrada davam etdirə biləciyik."