Sofian Çakla: "Qarabağ"la ilə oyunlar həmişə ağır və maraqlı keçir"

90deqiqe.az xəbər verir ki, Misli Premyer Liqasının 20-ci turunda qeydə alınan "Zirə" - "Sabah" (0:1) matçından sonra Masazır təmsilçisinin müdafiəçisi Sofian Çakla "CBC Sport"a açıqlama verib. Qələbə qolunun müəllifi bu gün baş tutacaq "Qarabağ"la kubok matçının da önəmindən bəhs edib. 

“”Zirə”yə qarşı matç gözlədiyimiz kimi çətin oldu. Oyun o qədər də maraqlı məcrada keçmədi, amma əsas odur ki, qələbə qazana bildik. Həmin anda 11-metrlik nöqtəyə yaxınlaşanda qorxu hissi keçirmirdim. Qol vuracağıma inanırdım. Bütün penaltiləri yerinə yetirmək kimi iddiam yoxdur, amma lazım gəlsə yenə edərəm. Hakimin qərarına gəldikdə isə mən bu haqda danışmağı sevmirəm. Biz onların qərarlarına hörmətlə yanaşmalıyıq. İndi bizim üçün hər oyun finala bərabərdir. İnanıram ki, mövsümün sonunda hədəflərimizə çatacağıq. “Qarabağ”la kubok qarşıdurması da bizim üçün vacibdir. Bu komanda ilə oyunlar həmişə ağır və maraqlı keçir. İnanıram ki, müsbət nəticə qazana biləcəyik.”